US-EX FAQ 美國快遞 海淘 常見問題 更新中

嘗試整理一下3年來網友有關 海淘 / 轉運公司 / US-EX 的FAQ

1 美國 \歐洲 \ 日本 網購 海淘ABC？

美國
A 去轉運\代購網站登記，取得免稅州專用收貨地址,貨件送去免稅州就唔使另外比消費稅；
B 去網站shopping,shipping address填上面地址；
C 賣家寄貨後通常會email shipping details你, 跟住去轉運公司填運單寄香港。

日本有轉運公司同代購公司, 暫時為止, 都係經代購公司http://www.fromjapan.co.jp/ 到手成本最平
step by step 請睇: 日本 代購 轉運 教學 Step by Step

歐洲/德國
有轉運公司同代購公司, 不過費用比起美國/日本都貴D, 又冇得免增值稅; 自已去買直郵香港好多時仲平, 仲可以退稅, 抵消到部分運費. 英國轉運公司 www.forward2me.com

2 有哪些購物網站?
請睇: 美國 日本 代購 轉運公司推介 & 其他有用連結; 如果有其他網站想加, 請留言, 一齊share 網購樂趣.

3 轉運?
美國大部分地方都另收消費稅, 除幾個免稅州外, 加上好多時網店都免運費, 所以即使美國人本身都會將貨件寄去免稅州再轉寄省稅. 不過咁亦引伸問題4;

4 網站cancel order 砍單 / 付款問題?
部分網站會blacklist 轉運公司地址, 咁就無辦法, 例如 Bestbuy / Sephora Beauty, 雖然好多野都好平, 但係so far 都係買唔到.

5 US-EX可靠信得過嗎?
So far so good, 自2012年Black Friday開始用, 好彩未試過唔見貨. 自提要給身份証影印同核對姓名, 估都係保障收件人利益.

6 US-EX追單/聯絡客服方法?
主頁有聯絡客服QQ, 不過可能有時唔係位 / 忙緊, 復得好慢, 所以通常我都會係:

会员中心 > 留言中心 >  寫清楚單號, 一直都係1個工作天內有人復, 試過朝早返工前留言, 返到公司見到客服已復, 雖然通常客服都係復: "您的留言已收到，会尽快帮处理发货，谢谢您". 

7 US-EX隱藏/其他收費?

除非物品好輕, 體積重超過實重2倍先會收體積重超過實重部分(US$1), 唔似其他轉運商成張單按體積重收費. 除此之外, 無其他隱藏收費. 不過So far 係有一次寄浴巾要比體積重, 其他單都未試過要收體積重.

另外係集運單會係運費上加10%, 請睇埋下面FAQ 9. 

8 預先入錢?

可以跟賣家比的shipping detail check UPS/ FedEx / DHL 或其他快遞得知貨品重量同體積, 預先估到運費入定錢, 咁US-EX計好運費可即時扣錢同發貨; 當然, 等佢計好運費再入錢都得, 不過時間上會多1~2個工作天.

9 合單集運/ 單獨寄件?

如果知道賣家會用紙箱寄(例如 Tommy / Macy's / Drugstore), 咁集運可以省卻紙箱數目, 因為US-EX會將集運貨件裝埋一個紙箱, 可以節省一D運費.  不過留言集運係會加10%, 所以通當我都會控制係10磅之下, 因為10磅10%即係1磅, 估計一個紙箱都係1磅左右掛?

但如果係Carter's, 我一般唔會集運, 因為Carter's 用膠袋裝多, 膠袋咁輕, 集運都省唔到重量 (即運費), 無謂要比10%. 

10 us-ex優勢？
以自提計, so far 搵唔到有人平過佢！
九龍治灣貨倉自提US$2.5～US$3.5每磅，送貨上門就US$10首磅之後US$4每磅，燃油附加：冇！

11 US-EX寄件到香港所需時間?
正常由美國入庫(Day 0) >處理計運費 (Day 1) >扣運費 (Day 1~2) >寄香港 (Day 2~3) > 到香港倉(Day 6~7), 即係預一星期左右 ;
不過遇著美國網購旺季, 例如Black Friday, 真係要比好多好多耐性, 3年來都係, 入庫後, 可以等成2~3星期先處理, 即係可以超一個月先到香港倉. 不過好彩So far so good, 未試過唔見貨.

12 US-EX 提貨時間?
九龍灣啟興道2號太平洋貿易中心8樓816室, 電話: （852) 9202 3726
香港倉提貨時間: 星期一至六: 9:30 am 到 6:00pm ; 星期日: 10:00am 到 6:00pm ; 公眾假期如果休息, 網站會提前有公告.

...待更新....