美國 首次 網購 及 轉運 經驗 (都收貨了, 圓滿結束)

事後個人想法:

1. 除非貨品好輕, 如果唔係, 都係每件貨單獨填一張運單, 咁會快D到香港, 代價係自提最小收費US$5; 2015年更新, US-EX已沒有最少2磅要求.
2. 如果同其他單集運, 會用另一個紙箱裝起, 體積可能比預計大少少, 有機會要比體積重, 間間體積重收費唔同, 要小心, 暫時感覺都係US-EX最公道, 如果要計體積重, 都係計超出實重部分每磅US$1, 唔似其他轉運公司咁, 成張單會用體積重計, 貴好多, 例如體積重12磅, 實重5磅, 大部份公司都係按12磅計收費, US-EX會先按實重5磅計, 再計超出2倍部份收US$1 (12磅 - 5磅x2 = 2磅) ;
3. 美國D衫size比香港大少少, 所以買衫都係要度清楚尺寸, 好彩好多網站都有詳細標示量度方法;
4. 美國境內, 特別是貨運, "day" 指的是星期一到星期五, 星期六日好似全部人都放假, 唔會送貨, 所以如果賣家寫3日送貨, 是不包星期六, 日及假期的;
5. 有D網站購買一定金額, 可免費送貨, 有時時間會比較長, 如果個網站有支援ShopRuner, 可以用ShopRunner免費送到美國收貨地址, 冇最小購物金額要求, 2個工作天送貨; 可以睇shopRunner教學;
6. 美國購物網站回贈, 美國流行購物回贈, 經過回贈網站去online store買野, 可以另外有回贈.

登記Extrabux.com之後, 戶口立即有US$5結餘, 之後如果想係美國網站買野, 可以上去search 睇下有冇回贈, 如果有, 又可以平少少. 當戶口累計結餘夠US$10, 可以將結餘轉到paypal或者信用卡.

經購物回贈網站 EBATES  登記開戶, 馬上會有US$5係戶口, 當累積回贈多過US$5.01, 每3個月會轉去paypal 或寄支票比你. (要係戶口設定收款方法).

=============================================================

正文:

第一次係美國買野, 知道有2個方法運返香港:1)商戶直接寄送香港; 2)轉運.

11月17日係www.SierraTradingPost.com (呢個網頁主要賣上季減價衫) 買2件返工褸(Lauren by Ralph Lauren 同Jonathan Michael Coat  )同一件風褸比老婆, 打算直接寄香港, 埋單D衫收US$557.92; 運費US$115. 覺得OK, 就通過paypal付款, 馬上收到信用卡公司短信, 知道US$672.92 paypal收我港幣5,407, 即匯率係8.035; 點知到11月19日賣家退款到我個paypal, 佢話paypal拒絕付款喎, 唔知點解?

反正錯有錯著, 之後揾到一D美國轉運公司資料, 發現價錢好吸引, 例如上面賣家直寄收US$115 (即係HK$924左右), 如果通過轉運, 當D衫加埋重10磅, 首磅US$10, 之後US$5, 加埋都係US$55到, 當8算, 都係HK$440, 平大半. 跟住一路再揾其他轉運資料, 比較一下, 暫時應該係US-EX香港倉自提最平, 續上面例子, 如果自提仲平, 計完都係US$2.5 x 10磅 = US$25. 又再平D!! 所以登記左戶口, 即刻係會員中心見到個人美國收貨地址, 用呢個地址可以係美國買野, 再送返香港.

11月21日(星期三)開始落單:
11月21日美國進入Backfriday, 即thanksgiving減價, 見amazon 賣Calvin Klein中褸連項巾減價US$140; 重見到一件女裝Nautica 風褸US$75, 即刻有藉口買, 跟住斷斷續續再係amazon同6PM買左其他野.
因為想試2個美國地址分別, 所以將D貨分別送到2個倉, 加州倉(有消費稅)同俄勒岗仓(免消費稅);


11月26日(星期一)開始收貨:
一路check住US-EX同商家送貨情況, 11月26日起俄勒岗仓有貨見轉運單轉為入庫中, 到11月29日一共收左5件貨, 問客服幾時可以運返香港. 佢指要等美國個度計好重量運費, 所以只好等. 

同時加州倉個度11月26日都收到amazon D褸; 仲差一件買比囡囡既 Disney頭飾未收.

12月3日(星期一)
俄勒岗仓5件貨都收到, 狀況變左已入庫;
加州倉3件貨收到, 仲差一件 Disney頭飾未收;

12月5日(星期三)
俄勒岗仓5件貨都收到, 狀況變左已入庫;
加州倉4件貨都收到,  狀況仲係已入庫; 等入庫記錄顯示呢個記錄再安排轉運香港.


12月7日(星期五)
俄勒岗仓5件貨都收到,  狀況仲係已入庫。
加州倉4件貨都收到,  狀況變“準備發貨”，重量： 7.35, 体积重:12.44, 計運費：25.3。

体积重量：

长 英寸 X 宽 英寸 X 高 英寸 ÷ 139 = 磅

收費標準: 重7.35 x US$2.5 = US$18.375 + 10% 合箱 + 體積重超出實重部分 (12.44 - 7.35) x US$1 = US$25.30

12月11日(星期二)
俄勒岗仓,  狀況仲係已入庫。
加州倉,  狀況變“运输途中”。

12月12日(星期三)
俄勒岗仓,  狀況變"包裹已处理"，重量： 14.05, 体积重:19.04,  運費：43.63。

体积重量：

长 英寸 X 宽 英寸 X 高 英寸 ÷ 139 = 磅

收費標準: 重14.05 x US$2.5 = US$35.125 + 10% 合箱 + 體積重超出實重部分 (19.04 - 14.05) x US$1 = US$43.63


加州倉,  狀況變“运输途中”。

12月13日(星期四)
俄勒岗仓,  狀況變“準備發貨”。
加州倉,  已到香港, 7日內提貨。

12月15日(星期六)
俄勒岗仓,  狀況變“”。
加州倉,  已提貨。

12月18日(星期二)
俄勒岗仓,  狀況仲係“”;
反而後來買的BB睡袋已發貨, 都係每件貨一張運單比較快。

12月26日(星期三)
俄勒岗仓,  狀況仲係“”;
反而後來買的已到香港可以提貨, 除非件貨真係好輕, 之後都係每件貨一張運單算。

12月28日(星期五)
追左CS好多次, 佢答應幫我留言讓美國發貨, 俄勒岗仓,  狀況終於變“运输途中”。

1月1日(星期二)
俄勒岗仓, 已到香港, 7日內提貨。

1月5日(星期六)
俄勒岗仓, 已提貨。 到此為止, 第一次網購終於都收貨了。最早落單的, 反而最遲收貨, 諗返轉頭, 都係因為想夾單, 將最多單整合集運返香港, 所以之後都係每件貨單獨填一張運單, 咁會快D到香港。